疫情下經濟困難，呢邊削減人手要裁員，果邊又話共渡時艱人工要打折 ; 但物價冇跌過，樓價繼續升...自怨自歎嘅同時你會點樣改變？
今日想同大家分享呢個故事
徐伯，年近80歲都仲堅持「追夢」繼續創業，推出「天貝」漢堡推廣健康素食產品，身為老闆又係員工嘅佢每日8點鐘開工，親手用發酵黃豆製作漢堡扒，自強不息又充滿冒險精神，真係好值得我地呢d後輩去學習同支持。
成條片我最印象深刻係徐伯老婆形容佢係一個「藝術家」，充滿個性又勇於創作，更加話「自己有時都跟唔到佢」，同香港一般長大嘅人比缺乏左佢果種創意！雖然宜家流行素食，但要一個接近80歲嘅老人家去創業，唔好話佢，就算係我都未必敢做。
呢個故事更加令我反思到香港教育真係好扼殺創意思維，好似有個框框咁，咩都係倒模製作。肯挨肯做一直都係香港人核心價值，但其實創意都好重要，因為只有「創新」先會有新嘅出路！
疫情終會過去，香港人加油！
#創業 #素食 #天貝漢堡
Search